أغنية الغربة - احمد سعد من فيلم دكان شحاتة

مش باقى منى غير شوية ضى فى عنيا
انا هديهملك وامشى بصبرى فى الملكوت
يمكن فى نورهم تلمحى خطوة
تفرق معاكى بين الحياة والموت

مش باقى منى غير شوية قوة فى ارادتى
حاسبى عليهم وانتى بتخطى
مش باقى منى غير شوية ضى فى عنيا انا مش عايزه
لو كنت يوم هلمحك وانتى بتوطى
فى معركة مفيهاش ولا طيارات ولا جيش
وانتى فى طابور العيش
بتبوسى ايد الزمان ينولك لقمة
بتبوسى ايد الزمان ينولك لقمة فى حقك المشروع
مش باقى منى غير شهقة فى نفس مقطوع
وانا صوتى مش مسموع
يا حلمنا الموجوع من المرور ممنوع
وانا صوتى مش مسموع
ياحلمنا الموجوع من المرور ممنوع
مستنى لما يمر موكب سلاطينك
مستنى لما يمر موكب سلاطينك

ومش باقى منى غير شوية كفر بشروقك
على شوية رحمة من طينك
على شوية صبر من تينك

مش باقى منى غير شوية لحم فى اكتافى
بلاش يتبعتروا فى البحر
مش باقى منى غير شوية لحم فى اكتافى
بلاش يتحرقوا فى قطر الصعيد فى العيد
بلاش لكلب الصيد تناوليهم
خدى اللى باقى من الامل فيهم
وابنيلى من عضمهم فى كل حارة مقام
وزورينى مرة وحيدة لو كل الفين عام
الم الجراح يتلم

مش باقى منى غير شوية دم
متلوثين بالهم مريين وفيهم سم
مش باقى منى غير شوية دم
مقدرش اسقيكى مواجعهم
وبرده مقدرش ارميكى وابيعهم
يمكن فى مرة تطلبينى شهيد
هحتاج يوميها الدم
هحتاج يوميها الدم
هحتاج يوميها الدم يمضى على شهادتى

لا للتوريث

انا ضد التوريث

انا مش فاهم يعنى ازاى راجل زى حسنى مبارك يفضل فى الحكم 28 سنه وكمان لما يمشى عايز يمسك ابنه مكانه

احا هى شركة ولا عزبة ابوه!! واحنا ايه؟؟ ""لا مؤاخذه"" حيوانات هيستلمنا لما ابوه يمشى؟؟ ايه والشعب دا مالوش كلمة!! ايوه مالوش كلمة ولا رأى شعب متخلف مابيفكرش بتاع اللى نعرفه احسن من اللى منعرفوش!!ـ

لأ بقى انا مش موافق جمال مبارك بالذات لأ.. قال ايه اصلوا شبعان!! اصلوا متربى فى بيت سياسى وعارف النظام ماشى ازاى!! ايييه بقى!!ـ

انا مش متخيل هو جمال مبارك عايز يمسك مكان ابوه؟؟ هو عايز يعمل ايه يعنى انت هتعملنا ايه ما انت نص البلد بتعتاك وبتاعت عيلتاك!! انت عايز ايه؟

ليه ميكنش اى حد تانى.. اى شاب تانى والبلد فيها 80 مليون ليه ميكونش اى واحد فيهم!!!! ليه ميكونش انا مثلا!!ـ

انا افتكر ان اى حد ممكن يمسك البلد و تكون لفتره محدده 5 او 6 سنوات بس ومينفعش يبعبص ف الدستور علشان يظبطه عليه ويزود براحته وتوصل ل 28 ولا 30 سنه!ـ ايه ياخى حرام عليك دنتا هاتتناك فى الاخرة

ده سيدنا عمر بن الخطاب كان بيخاف احسن اى دابه تتعثر فى الطريق فى بلاد العراق ربنا يسئله عنها!!ـ انت بقى ربنا هيعمل فييييك ايه؟؟

حتى لو كان اللى هيمسك البلد واحد اهطل البلد هتمشى برضه واحنا هنبقى عارفين انه ليه اخر حتى لو كان رئيس كويس يمشى برضوا ويجى حد مكانوا يمكن يكون احسن من اللى قبله

ماهو بوش اهه مسك امريكا بحلها اى نعم خربها وخربها على العالم كله ودخل بها حروب بس اهوه كلنا عايشين والحمدلله

وباراك ماسك اهوه وماشيا معاه! ودى ايه امريكا اقوى بلد فى العالم فما بالك بمصر!ـ

لذلك انا ارشح اى حد يمسك البلد دى حتى لو كان ابن كلب بس نشوف ناس تانيه غير الاشكال اللى بنشفها كل يوم على مر السنين دى كلها! على الاقل قبل مانموت!ـ

كل سنه وانا وانتم وهو طيبين - 6 اكتوبر

يااه بقى عندى وعنده.. وعندكم 28 سنه :)
ياترى ايه الفرق بين الزمن دا والزمن اللى قبل ال 28 سنه دى
احنا فى بلد الاب بيبع ابنه علشان ياكل
احنا فى بلد الام بتقتل عيلها علشان المستقبل
احنا فى بلد القطارات بتولع باللى راكبيين فيها
احنا فى بلد شيخ الازهر فيها بيحرم النقاب ويقلعه لطالبة فى معهد دينى ازهرى!! مستر سيد اوكى
احنا فى بلد اللا مبالاه الناس بقى عندها لامبالاه غريب
احنا فى بلد السحابه السوده
الجنيه السودانى ب 4 جنيه مصرى بعد ما كان..ـ
السياحة اللى اثار مصر بتمثل حوالى ((((((ربع)))))) اثار العاااالم بس احنا رقم 25 على مستوى العالم!! بسببنا برضو اسعارنا العاليه والنصب على السياح و"جيف مى باكشيش" اللى مش موجود غير عندنا والمعاكسات والتحرش.. ماشاء الله سمعتنا حلوه
احنا فى بلد دبحت كل الخنازير اللى فيا ومع ذلك اكتر بلد فيها انفلونزا الخنزير فى الوطن العربى ده غير اطنان الزباله اللى بقينا فيها
احنا فى بلد كرامة المواطن فيها متهانه جوا وبرا البلد وحكومته مابتجبش ولا بتديلوا حقه
احنا فى بلد جنودنا اللى على الحدود كل يوم بيموتوا برصاص مجهولين!! ومحدش بيتكلم ولابيجيب حقهم
احنا فى بلد العشوائيات بلد الجبل يقع على حى يردمة
احنا فى بلد فيها بترول كتير بس لاتسمع ولاتعرف عنه حاجة وبيتنهب عينى عينك شوفوا شركات البترول فى مصر والحفارات اللى فى البحر.. بلااااش شوفوا السودان اللى فى جنوبنا بقت ازاى وليبيا اللى فى غربنا بقت ازاى بعد البترول اللى "لقوه" فيها!!ـ
احنا فى بلد بتصرف ملايييين الدولارات من مال الشعب على الكوره وتنظيمات الكورة ومع ذلك بتخسر برضوا.. دا غير الوزير الفنان اللى البلد دى رشحتوا لرأسة اليونسكو ودفعت ملايين الدولارات عليه وعلى حملته ومع ذلك خسر برضوا!! ايه الحكاية!!ـ
هنفضل كده لحد امتى؟ اكيد ربنا بالينا بالراجل ده كل السنين دى علشان حكمة وبالينا برضوا بالشعب اللامبالى ربنا يخدنا جميعا.. اميين

شوبير وفضايحه

This is the CD that Mortada Mansour says that he got against Shober!

if not workin please check

http://www.youtube.com/watch?v=0TWyFj7pjR8

شر البلية ما يضحك

مرة الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص،

الريس استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت.

الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا،

فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية، الناس قالت اللهم طولك يا روح و أمرنا لله و دفعوا.

رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه،

و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي،

شوية و لقى واحد بيزعق و متضايق، وطى على ودنه قال له “مالك؟” قال له “حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا!!ـ

مين فيكم مسلم

رجل مسيحي دخل مسجد في مصر و معاه سكين
و قال: مين فيكم مسلم ؟
محّدش رد عليه إلا واحد شجاع قاله: أنا مسلم

اخذه برا المسجد و قاله: عندي ضيوف مسلمين وعازمهم على العشا وعندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ

دخل المسيحي المسجد و السكين كلها دم من الخروف
و قال: مين مسلم كمان؟
اشروا المصلين على الإمام
رد الإمام عليهم: ' في إيه؟
هو عشان صليت فيكم ركعتين بقيت مسلم خلاص

و أنــا كــمــــــان

بعد سقوط بغداد.. ليثبت بوش للعالم أنه من محبي السلام دعا كل رؤساء العالم لمباراة كرة قدم على ضفاف نهر دجلة منهم بلير والرئيس مبارك
أثناء المباراة سقطت الكرة في الماء
فنادى بوش على أحد جنود المارينز ليحضر الكرة من الماء
فرفض وقال لبوش: لا يمكن أن أقفز.. النهر ممكن يكون مليان تماسيح وأنا عندي زوجة و أطفال عايز أربيهم
فنادى بلير على أحد جنود ذئاب الصحراء ليحضر الكرة من الماء
فرفض وقال لبلير: لا يمكن أن أقفز.. النهر ممكن يكون مليان تماسيح و أنا عندي زوجة و أطفال عايز أربيهم
هنا نادى الرئيس مبارك على أحد جنوده ليحضر الكرة من الماء
فقفز على الفور في المياه و صارع كل تماسيح دجلة و خرج سريعاً بالكرة للرئيس
وعند خروجه جرى نحوه كل الصحفيين الرسميين لسؤاله عن سر هذه الشجاعة والجرأة رغم وجود كل هذه التماسيح فرد قال: وأنا كمان عندي زوجة وأطفال عايز أربيهم

الله يخرب بيتك يا محسن

واحد موظف داخل السوق يشترى اى حاجة ياكلها

سئل كيلو اللحمة بكم قلة الجزار 30جنية اعد يدعى الله يخرب بيتك يا محسن ياللى مغلى العيشة علينا

سئل كيلو السمك بكام قلة بتاع السمك 15 جنية اعد يدعى الله يخرب بيتك يا محسن ياللى مغلى العيشة علينا

سئل بكام الفرخة قلة بتاع الفراخ 10جنية اعد يدعى الله يخرب بيتك يا محسن ياللى مغلى العيشة علينا

واحد مخبر سمعة قبض علية وأخده على القسم ودخل على الضابط قلة تمام يا فندم
الضابط سئل ماسك الراجل دة لية
قلة مش عارف اسم الريس يا فندم