بيقولك حسنى مبارك جاتله نوبة افتكر أنه نبى ..بعت لأحمد نظيف وقاله يا نظيف أنا حاسس إنى نبى اتصرف ..فرد نظيف وقاله :بس النبى يا فندم لازم يجيله وحى ..ودى مش هعرف اتصرف فيها ..المهم حسنى أخد بعضه على مكة واختارله غار محندق كده واعتكف فيه ..شهر ..اتنين ..تلاتة ..إن وحى يجيله ..أبدا ..فى آخر مازهق راح مطلع سيجارة وقعد يشربها ..فسمع واحد بيقوله :إقرأ ..وطراخ على قفاه ..ففرح حسنى وقاله:ما أنا بقارىء ..فطراخ تانى على قفاه وقاله :اقرء ..فقاله :ما أنا بقارىء ..فراح طراخ تالت على قفاه وقاله :اقرء ..مش شايف يافطة ممنوع التدخين يا بن العبيطة
**************
بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة
**************
اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك
**************
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
**************
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:ابقى اشربها على وضوء يا ريس
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:ابقى اشربها على وضوء يا ريس
**************
الملاك اللى بيكتب الحسنات لحسنى مبارك ..طلع لربنا يشتكيله :يارب ..يعنى قاعد عواطلى ما قلتش حاجة ..فضل وعدل ..اسمع خطب تفقع وتصريحات تشل.. ماشى..آدينى قاعد فى قصر بتاع رئيس جمهورية ..لكن كل شوية الملاك اللى بيكتبله السيئات يقولى دفتره خلص وكل خمس دقايق يقولى هات ورقة م النص ..آهو ده اللى مش ممكن استحمله أبدا
الملاك اللى بيكتب الحسنات لحسنى مبارك ..طلع لربنا يشتكيله :يارب ..يعنى قاعد عواطلى ما قلتش حاجة ..فضل وعدل ..اسمع خطب تفقع وتصريحات تشل.. ماشى..آدينى قاعد فى قصر بتاع رئيس جمهورية ..لكن كل شوية الملاك اللى بيكتبله السيئات يقولى دفتره خلص وكل خمس دقايق يقولى هات ورقة م النص ..آهو ده اللى مش ممكن استحمله أبدا
**************
الملاك بتاع السيئات طلع لربنا يشتكيله :يارب ..يعنى قاعد مش ملاحق ..ما قلتش حاجة ..قاعد اسمع خطب تفقع وتصريحات تشل ..ماشى ..آدينى قاعد فى قصر بتاع رئيس جمهورية ..لكن كل كام يوم حبيب العادلى يسحبنى تحرى ع القسم ..آهو ده اللى مش ممكن استحمله أبدا
الملاك بتاع السيئات طلع لربنا يشتكيله :يارب ..يعنى قاعد مش ملاحق ..ما قلتش حاجة ..قاعد اسمع خطب تفقع وتصريحات تشل ..ماشى ..آدينى قاعد فى قصر بتاع رئيس جمهورية ..لكن كل كام يوم حبيب العادلى يسحبنى تحرى ع القسم ..آهو ده اللى مش ممكن استحمله أبدا
**************
استغفر الله العظيم يارب.. انا عارف فيه حجات ميصحش تتقال.. بس هى معبره وتفيد المعنى :)ـ
No comments:
Post a Comment