احنا بنسب ونلعن في البلد ليه؟ هيا مصر دي كيان فاسد مستقل ولا العيب فينا؟
الشرطة بتعذب الناس وبتنتهك كرامتهم, بس مين اللي اتعود ياخد على قفاه ويسكت؟
اللي يتشتم ويسكت حياخد على قفاه ويسكت, وبعد كده حيتناك في القسم ويسكت
ظباط الشرطة دول مش قرايبنا؟ بيبقى محترم جداً معاك وابن متناكة في القسم؟
مين اللي بيتحرش بالبنات وبيقلعهم هدومهم في الشارع؟ مش احنا؟ مين اللي بيتفرج ويسكت؟ مش احنا؟
الحكومة مش حتصلح حاجة مهما فضحناها لأن الحكومة نفسها هي أكبر عيوبنا, تجسيد لكل سلبيتنا وسلبية اللي خلفونا
يا ريت أي واحد شايف إنه ربع راجل بعد كده ميبصش الناحية التانية لما يشوف واحدة بيتقفشلها في الشارع,
اتخانق, انضرب, انشالله يطلع ميتين أمك ضرب, بس متسكتش لما ظابط يجيبلك سيرة أمك, متقولش معلش يا باشا,
رد عليه, حتنضرب وحتاخد علقة من الكلاب بتوعه, بس متسكتش السكوت تعود, حتسكت مرة, حيبقى تاني مرة أسهل, حيبقى تالت مرة عادة, حيبقى بعد كده طبيعة, حتبقى انت كده, تاخد بالجزمة وتسكت
مش احنا اللي المفروض ناخد بالجزمة مش احنا اللي المفروض نتمرمط ويتمسح بينا تراب الشوارع
فيه اللي سارقين بلدنا وعاملينها عزبة أبوهم, هما دول اللي لازم يتكرهوا, وننشر كرههم وكره سلبيتنا ف كل حتة يمكن تكون الكراهية هي الحل, بس مش كراهية مصر, كراهية اللي عملناه فيها, واللي سبناه يتعمل فيها
No comments:
Post a Comment